Gürcüstanın keçmiş prezidenti Mixail Saakaşvili bu gün sərhədi qanunsuz keçməkdə ittiham olunacaq.
InterPress.ge xəbər verir ki, məhkum Saakaşviliyə Rustavi şəhərindəki 12 -ci cəzaçəkmə müəssisəsində rəsmi məlumat veriləcək.
Daxili İşlər Nazirliyi oktyabrın 1 -də Mixail Saakaşvilinin sərhədi qanunsuz keçməsi ilə bağlı istintaqa başlayıb. Gürcüstan Cinayət Məcəlləsinin 344 -cü maddəsi ilə istintaq davam edir.
Daxili İşlər Nazirliyindən verilən məlumata görə, iş üzrə bütün zəruri və prosessual istintaq tədbirləri aparılır.
