Nazir: “Gürcüstan rusiyalı turistləri qəbul etməyə hazırdır”

“Gürcüstan rusiyalı turistləri qəbul və onların təhlükəsizliyini təmin etməyə hazırdır”.

InterPress.ge xəbər verir ki, bu barədə Gürcüstanın iqtisadiyyat naziri Natia Turnava bildirib.

Nazir deyib ki, hazırda Rusiya ilə bu istiqamətdə danışıqlar aparılmır: “Rusiyalı turistlər Gürcüstana səfər edənlərin böyük əksəriyyətini təşkil edib”.

N.Turnavanın sözlərinə görə, qonşu ölkələrlə yaradılacaq xüsusi dəhlizlərlə ziyarətçilərin təhlükəsizliyi tam təmin olunacaq.

Qeyd edək ki, ötən ilin iyulun 8-dən etibarən Rusiyanın qərarı ilə Gürcüstanla birbaşa aviauçuşlar dayandırılıb. Bu da öz növbəsində Gürcüstana səfər edən rusiyalı turistlərin sayının kəskin azalmasına gətirib çıxarıb.(report)