Mixail Saakaşvili: "Bacı və qardaşlarım, həbsxanadan səsinizi eşidirəm"

Vahid Milli Hərəkatın üzvü və Birləşmiş Müxalifətin Kutaisi merliyinə namizədi Xatia Dekanoidzenin sözlərinə görə, Gürcüstanın üçüncü prezidenti Mixail Saakaşvili həbsxanada aclıq aksiyasını davam etdirir.

InterPress.ge xəbər verir ki, Dekanoidze bu gün Rustavi şəhərindəki 12 saylı cəzaçəkmə müəssisəsində Mixail Saakaşviliyə baş çəkib.

Mixail Saakaşvili, Rustavi Həbsxanası qarşısında toplanan dostları və tərəfdarlarına Dakanoidzedən məktub göndərib.

"Qardaş və bacılarıma təşəkkür edirəm, həbsxanadan səsinizi eşidirəm və döyüşmək arzum on qat artdı,  qələbəyə qədər davam edirik", - Saakaşvili yazıb.

Xatia Dekanoidzenin dediyinə görə, Mixail Saakaşvili mübarizə əhval -ruhiyyəsindədir:

“Aclıq aksiyasına davam edir,  tibb müəssisəsinə getdi, yəni nəzarət altındadır. Mişanın Gürcüstan vətəndaşlarına, dostlarımıza, bizə, hər kəsə mesajı fədakarlıqla, rejimə qarşı mübarizə aparmaq, rejimi ikinci turda məğlub etməkdir. Mişanın mesajı budur ki, Gürcüstanın böyük şəhərlərində qələbə qazanmaq, "Gürcü Arzusu" hakimiyyətini ələ keçirmək və bələdiyyə məclislərində çoxluq qazanmaq vacibdir", - deyib Dekanoidze. 

Hazırda Rustavi həbsxanasının yaxınlığında Mixail Saakaşvilinin tərəfdarları toplanıb və  səhnə qurulub, bölgələrdən konvoylar da mitinqə qoşulur.