Lisa Yasko: "Saakaşvili 12 kiloqramdan artıq arıqlayıb"

"Artıq aclıq aksiyasının ikinci həftəsidir, 12 kiloqramdan artıq arıqlayıb, döyüş əhval -ruhiyyəsindədir, amma təəssüf ki, səhhəti artıq çox zərər görüb".

InterPress.ge xəbər verir ki,  Ukraynalı millət vəkili Lisa Yasko bu barədə Rustavidəki 12 -ci cəzaçəkmə müəssisəsindən çıxandan sonra bildirib.

Lisa Yasko həbsxanada Gürcüstanın keçmiş prezidenti Mixail Saakaşvilini ziyarət edib.

Onun sözlərinə görə, Gürcüstanın üçüncü prezidentinin başına gələnlər hamını çox narahat edir.

"Artıq aclıq aksiyasının ikinci həftəsidir, 12 kiloqramdan artıq arıqlayıb, döyüş əhval -ruhiyyəsindədir, amma təəssüf ki, səhhəti artıq çox zərər görüb. O, çox arıqladı. Bütün dünya, beynəlxalq ictimaiyyət bunu izləyir. Avropa Parlamentinin üzvləri, müxtəlif ölkələrdən olan millət vəkilləri, Gürcüstanın üçüncü prezidentinin qanunsuz həbsi səbəbindən başına gələnlərdən narahat olmaları barədə çoxsaylı açıqlamalar verdilər.  Bu çox kədərlidir və təəssüf ki, bir çox pis şeyə işarədir. Onun azad edilməsi və Gürcüstanın gələcəyi üçün mübarizə aparmaq lazımdır. Bu artıq bütün gürcülərə aiddir, Mixeili dəstəkləyənlərə aiddir, belə insanlar çoxdur. Mənə daim nələr olduğunu, hara gələcəklərini, bizə necə dəstək olacaqlarını soruşurlar. İndi yüzlərlə belə mesaj alıram.  Sizə demək istəyirəm ki, nə edəcəyinizə siz gürcülər qərar verməlisiniz. Cavabım budur ki, inandığınız şey uğrunda mübarizə aparmaq lazımdır", - deyib Lisa Yasko.