Batumidə uşaq xəstəxanasında tavan çökdü - VİDEO

Gürcüstanın Batumi şəhərində İaşvili adına ana və uşaq xəstəxanasında palataların birində asma tavan uçub.

InterPress.ge xəbər verir ki, gecə saatlarında baş verən hadisə zamanı palatada 4 uşaq olub.

İnsident zamanı xəsarət alan olmayıb. Uşaqların valideynləri xəstəxanaya polis çağırıblar.

Klinikanın rəhbərliyindən bildirilib ki, hadisənin səbəbi araşdırmalardan sonra məlum olacaq.

Xəstəxanaya artıq Batumi meriyası və Fövqəladə Halların İdarə Olunması Xidmətinin nümayəndələri baş çəkib.