Saakaşvilinin həkimi: "Bir neçə gün ərzində xəstəxanaya yerləşdirilməlidir"

Mixail Saakaşvilinin şəxsi həkimi bu gün onun analizlərinin cavabını öyrənəcək və sağlamlıq vəziyyəti haqqında məlumat alacaq.

InterPress.ge xəbər verir ki, Gürcüstanın üçüncü prezidenti Mixail Saakaşvilinin şəxsi həkimi Nikoloz Ğipşidze Rustavi şəhərindəki 12 -ci cəzaçəkmə müəssisəsinə gedib.

"Bir neçə gün ərzində xəstəxanaya yerləşdirilməlidir. Təfərrüatları danışmalıyıq, prezident bilmir, həkim deyil, ona hər şeyi izah etməliyik", - deyə o bildirib.

Xatırladaq ki, Gürcüstanın üçüncü prezidenti oktyabrın 1 -də saxlanılıb.

Mixail Saakaşvili 20 gündür həbsxanada aclıq aksiyası keçirir.