Mixail Saakaşvilinin işində amerikalı vəkil iştirak edəcək

ABŞ-dan olan vəkil Con Sendviç Mixail Saakaşvilinin işində iştirak etmək üçün Gürcüstana gələcək və əsas beynəlxalq məruzəçi olacaq.

InterPress.ge xəbər verir ki, bu barədə Saakaşvilinin vəkili Nika Qvaramia məlumat verib.

"ABŞ-dan Mixail Saakaşvilinin vəkilini gözləyirik. O, yüksək ixtisaslıdır və Obama-Bayden administrasiyasında çox yüksək vəzifələr tutub. O, əsas beynəlxalq məruzəçi olacaq və həm beynəlxalq, həm də Gürcüstan istiqamətində əsas məsələlərlə bağlı çıxış edəcək. Bəli, biz bütün bunların ən ağır şəkildə qiymətləndirilməsinə və bu qiymətləndirmələrlə bütün beynəlxalq ictimaiyyəti əhatə etməyə hazırlaşırıq", - deyib Nika Qvaramia.