Gürcüstanda karantin elan ediləcəkmi? - Mərkəz rəhbərindən açıqlama

"Həqiqətən məhdudiyyətlər müzakirə edilmir. Pandemiya ilə mübarizə modeli ümumilikdə dünyada və bizdə dəyişib".

InterPress.ge xəbər verir ki, bunu Xəstəliklərə Nəzarət Mərkəzinin direktoru Koordinasiya Şurasının iclasından sonra bildirib.

Amiran Qamğrelidzenin sözlərinə görə, ölkədə karantin və nəqliyyatın məhdudlaşdırılması müzakirə edilmir.

"İqtisadiyyata təzyiq göstərən məhdudiyyətlər - kilidləmə, nəqliyyatın məhdudlaşdırılması həqiqətən müzakirə edilmir. Yaşıl kartın tətbiq edilməsi, həvəsləndirici tədbirlər və tez-tez təkrarladığım qaydalara riayət : maska, sosial məsafə və böyük yığıncaqlardan çəkinmək, tez-tez əllərimizi yumaq və peyvənd olunmaq müzakirə edilir", - deyə o söyləyib.