Mixail Saakaşvili Qldani həbsxana xəstəxanasına necə aparıldığını açıqladı

"Məni maşından zorla endirdilər, torpaqda sürüdülər, bir neçə dəfə boynuma vurdular, bu zaman mən onlara müqavimət göstərdim".

InterPress.ge xəbər verir ki, bu barədə Gürcüstanın üçüncü prezidenti Mixail Saakaşvilinin məktubunda deyilir.

Mixail Saakaşvilinin sözlərinə görə, onu aldatma yolu ilə Qldani həbsxanasının tibb müəssisəsinə aparıblar. Onun sözlərinə görə, o, həqiqətən də palatadakı analizatora vurub, çünki onun icazəsi olmadan iynə vurmağa başlayıblar. 

Sabiq prezident deyib ki, o, daim cinayətkarların qışqırtılarını eşidir.

"Məni şəhərdəki klinakaya aparacaqlarını söyləyərək aldatdılar və buraya gətirdilər. Həkimlərlə, anamla və övladlarımla görüşlərimi ləğv etdilər. Böyük hay-küylə qarşılandığım cinayətlər korpusuna aparılanda və bu hay-küy hələ də dayanmayıb, həbsxananın nümayəndələrindən biri, görünür ki, rəhbəri idi "aha, quş, əlimizə düşdün?!" dedi və söyməyə başladı. Adını və soyadını soruşsam da, deməkdən imtina etdi. Daha sonra məmurlar heç bir xəbərdarlıq etmədən, imtina etməyimə baxmayaraq məni maşından cinayətkarların söyüşü altında zorla endirdilər, torpaqda sürüdülər, bir neçə dəfə boynuma vurdular, bu zaman mən onlara müqavimət göstərdim. Palatadakı kimi hansısa qeyri-müəyyən görünüşlü tibb işçiləri mənə yaxınlaşdı və mənim icazəm olmadan mənə iynə vurmağa başladı, bu zaman mən həqiqətən də analizatora vurdum. Bütün bu zorakılıq və təhqirdən sonra mənim həyəcanlı reaksiyam başladı. Hər kəs əsl cinayətkar kimi davranırdı, kameramda davamlı olaraq cinayətkarların qışqırtıları eşidilir", - məktubda deyilir.