Səhiyyə Nazirliyi qarşısında keçirilən aksiya başa çatdı

“Milli Hərəkat”ın Səhiyyə Nazirliyinin qarşısında təşkil etdiyi aksiya başa çatıb.

InterPress.ge xəbər verir ki, “Milli Hərəkat”ın liderləri və tərəfdarları ərazini tərk ediblər.

Etirazçılar Mixail Saakaşvilinin mülki klinikaya aparılmasını tələb ediblər. Eyni zamanda aksiyada bir neçə deputat səhiyyə naziri ilə görüş tələb etsə də, rədd cavabı alıblar. Hazırda ərazidə sakitlik hökm sürür, ancaq aksiya zamanı bir neçə dəfə vəziyyət gərginləşib. Hüquq-mühafizə orqanları ilə etirazçılar qarşı-qarşıya gəliblər. Bir neçə nəfər saxlanılıb. Həm qurumun daxilində, həm də xaricdə hüquq-mühafizə orqanları səfərbər edilib.