Saakaşvilinin xanımı onunla görüşə bilmədiyini açıqladı

"Mixail Saakaşvilinin yüksək texnoloji imkanlarla təchiz edilmiş tibbi yardıma ehtiyacı var, həmçinin Strasburq məhkəməsinin nəticəsində də belə qeyd olunub".

InterPress.ge xəbər verir ki, bu barədə Rada deputatı Liza Yasko jurnalistlərə bildirib.

Eyni zamanda, onun sözlərinə görə, artıq dördüncü gündür ki, Mixail Saakaşvilini görməyə icazə vermirlər.

"Əminəm ki, Mixail Saakaşvilinin yüksək texnoloji imkanlarla təchiz edilmiş tibbi yardıma ehtiyacı var. Bu, göz qabağındadır və Strasburq məhkəməsinin iki gün əvvəl aldığımız hesabatında da belə qeyd olunub. Təbii ki, onun tibbi yardıma ehtiyacı var. Bir insanı tibbi avadanlığı olmayan normal bir həbsxanaya necə aparmaq olar? Bu, mümkün deyil və onun hüquqlarını pozur. İkinci məsələ odur ki, artıq dörd gündür ki, buradayam və ziyarət üçün sənədləri gözləyirəm. Mənə hələ də deyirlər ki, sənədlər hələ hazırlanır. Hesab edirəm ki, bu, mənim və onun hüquqlarının pozulmasıdır. Nə qədər gözləməliyəm və niyə gözləməliyəm? Bu problem indiyə qədər niyə yox idi və indi yarandı?", - Liza Yasko deyib.