Parlament qarşısında keçirilən aksiya başa çatdı

“Utanc” vətəndaş hərəkatının Gürcüstan parlamenti yaxınlığında təşkil etdiyi aksiya Gürcüstanın dövlət himninin səsləndirilməsi ilə başa çatıb.

InterPress.ge xəbər verir ki, aksiyanın keçirildiyi əraziyə toplaşan vətəndaşlar Gürcüstanın üçüncü prezidenti Mixail Saakaşviliyə və “Droa” partiyasının lideri Elene Xoştariyaya ümidverici şüarlarla müraciət ediblər.

Bugünkü mitinqin iki əsas tələbi vaxtından əvvəl tam proporsional seçkilərin keçirilməsi və üçüncü prezident Mixail Saakaşvilinin çoxprofilli mülki klinikaya köçürülməsi idi.

Vətəndaş cəmiyyəti fəalları, o cümlədən siyasi partiya və qeyri-hökumət təşkilatlarının nümayəndələri toplaşan ictimaiyyət qarşısında çıxış ediblər.