Ukraynalı ombudsman Mixail Saakaşvili ilə görüşə buraxılmadı

 Ukraynanın xalq müdafiəçisi Lüdmila Denisova Gürcüstanda səfərdədir.

InterPress.ge xəbər verir ki, verilən açıqlamalara görə, o, Gürcüstanın üçüncü prezidenti Mixail Saakaşvili ilə görüşməyə gəlsədə Qldanidəki 18-ci müəssisəyə giriş qadağan edilib.

Denisovanın sözlərinə görə, Penitensiar Xidmətdən bununla bağlı hələ ki, rəsmi izahat almayıb və həbsxana rəhbərliyi ilə görüşəcək.

“Eşitdik ki, Mixail Saakaşvili ilə bizim görüşümüzə icazə verilməyib. Onlar tərəfindən veriləcək  rəsmi cavabdan sonra imtinanın səbəbini biləcəyik. Mən bu qurumun direktoru ilə görüşmək istəyirəm. Bilirəm ki, direktorun səhhətində problemlər var, amma onun işlərini görən səlahiyyətli var”, - deyə Ludmila Denisova bildirib.