Qiorqi Qriqoliani: "Mixeil Saakaşvilinin səhhəti bir neçə günə pisləşəcək"

"Gürcüstanın həbsdə olan üçüncü prezidenti Mixeil Saakaşvilinin səhhəti o qədər də pis deyil, lakin bir neçə günə pisləşəcək".

InterPress.ge xəbər verir ki, bunu Xalq Müdafiəçisinin yaratdığı ekspertlər qrupunun üzvü, anestezioloq-reanimatoloq Qiorqi Qriqoliani deyib.

Onun həbsxanadan çıxandan sonra mediaya açıqlamasında dediyinə görə, “Bu gün Mixeil Saakaşvili kimi xəstənin reanimasiyaya ehtiyacı yoxdur, onun intensiv terapiyaya ehtiyacı var”.

"Saakaşvili həqiqətən də aclıq aksiyası keçirir, bunu orada olan hər kəs təsdiqləyir. Vəziyyətinin kifayət qədər ağır olduğunu deyə bilmərəm, amma bir neçə gündən sonra pisləşə bilər. Onun analizində intensiv terapiya və müalicə tələb edən dəyişikliklər var", - deyib Qriqolia.