Elene Xoştaria qida qəbul etməyə başladı

New Hospitals-da müalicə olunan "Droa"nın lideri Elene Xoştaria qida qəbul etməyə başlayıb.

InterPress.ge xəbər verir ki, bu barədə Elene Xoştaria sosial şəbəkədə yazıb.

"Zəifliyə qalib gəldim, ayaqlarımda güc hiss etdim, analizlərimin cavabları yaxşıdır, oxumağa başladım, "hovuza" su da tökdülər. Bu gün artıq ilk dəfə yemək yeyirəm.

Dinamika o qədər yaxşıdır ki, düşünürəm ki, tezliklə xəstəxanadan çıxacağam. New Hospitals-a təşəkkürlər", - deyə Xoştaria yazıb.

Xatırladaq ki, Elene Xoştaria 17 gün parlament binasında aclıq aksiyası keçirib.