Prokurorluq Mixail Saakaşvilinin vəkili Nika Qvaramia barədə məlumat yayır

Vəkil Nika Qvaramiya prokurorlara təhqiramiz sözlərlə müraciət edib və bu, istintaqa səbəb olub.

InterPress.ge xəbər verir ki, bu barədə 
Prokurorluq  məlumat yayıb.

Söhbət noyabrın 29-da Mixail Saakaşvilinin məhkəməsindən gedir. Prokurorluğun məlumatına görə, vəkil Nika Qvaramiya iştirakçılara - prokurorlara təhqiramiz sözlərlə müraciət edib, bu sözlərə məhkəmə və prosesin digər iştirakçıları tərəfindən həmin anda məhəl qoyulmayıb, lakin prokurorluq yayılan videogörüntülər əsasında bu gün istintaqa başlayıb. 

Eyni zamanda prokurorluq növbəti iclasda məhkəməyə müraciət edərək Nika Qvaramiyanın məhkəmə zalından çıxarılmasını istəyib.

Qurumdan verilən məlumata görə, prokurorluq onun barəsində intizam icraatının başlanması üçün artıq Vəkillər Kollegiyasının Etika Komissiyasına müraciət edib.

Prokurorluğun yaydığı məlumatda deyilir ki, proses iştirakçısını təhqir etmə faktı üzrə istintaqa Gürcüstan Cinayət Məcəlləsinin 366-cı maddəsinin birinci hissəsində nəzərdə tutulmuş cinayət maddəsi ilə başlanılıb.

“İctimaiyyətə məlum olduğu kimi, noyabrın 29-da Tbilisi Şəhər Məhkəməsində Mixail Saakaşvilinin işi üzrə keçirilən prosesdə Nika Qvaramiya təqsirləndirilən şəxsin vəkili olub.
Proses zamanı vəkil Nika Qvaramiya iştirakçılara - prokurorlara təhqiredici sözlərlə müraciət edib ki, bu sözlər o an məhkəmənin və prosesin digər iştirakçılarının diqqətindən kənarda qalıb. Bununla belə, təqsirləndirilən Mixail Saakaşvilinin məhkəmə prosesinin ictimai yayımı zamanı yayılan videogörüntülərə əsasən, bu gün Tbilisi Prokurorluğunun İstintaq Şöbəsi proses iştirakçısının təhqir olunması ilə bağlı Gürcüstan Cinayət Məcəlləsinin 366 maddənin birinci hissəsi ilə istintaqa başlayıb. 

Bundan əlavə, vəkil N.Qvaramiyanın proses iştirakçısına göstərdiyi hörmətsizliyə görə, ittiham tərəfi Mixail Saakaşvilinin işi üzrə növbəti iclasda vəkil Nika Qvaramiyanın məhkəmə zalından çıxarılması ilə bağlı məhkəmədən vəsatət qaldırıb.

Həmçinin ictimaiyyətin nəzərinə çatdırmaq istərdik ki, Gürcüstan Prokurorluğu yuxarıda qeyd olunan hərəkətə hüquqi qiymət verilməsi və intizam icraatının başlanması üçün artıq Gürcüstan Vəkillər Kollegiyasının Etika Komissiyası Nika Qvaramiyaya müraciət edib.