Mixeil Saakaşvili məhkəməyə aparılır

Gürcüstanın üçüncü prezidenti Mixeil Saakaşvili Tbilisi Şəhər Məhkəməsində onun işi üçün nəzərdə tutulan prosesdə iştirak etmək üçün artıq Qoridən Tbilisiyə yola salınıb.

InterPress.ge xəbər verir ki, Saakaşvilinin olduğu penitensiar xidməti avtomobili müşayiətçi ilə birlikdə bir müddət əvvəl Qori Hərbi Hospitalından paytaxt istiqamətində yola düşüb.

Məlumat üçün bildirək ki, Gürcüstanın keçmiş prezidenti Mixeil Saakaşvilinin ittiham olunduğu vəsaitlərin mənimsənilməsi işi üzrə bu gün Tbilisi şəhər məhkəməsində məhkəmə prosesi keçiriləcək.