Mixeil Saakaşvilinin məhkəməsi səs-küylə davam edir

Gürcüstanın üçüncü prezidenti Mixeil Saakaşvilinin məhkəməsi səs-küylə davam edir.

InterPress.ge xəbər verir ki, vəkillər iş üzrə iki prokuror Qiorqi Mujiri və Arçil Dğeşelaşvilinin məhkəmədən çıxarılmasını tələb etdikdən sonra mübahisə baş verib.

Saakaşvilinin vəkilləri prokurorları qərəzli olmaqda və işi siyasiləşdirməkdə ittiham edirlər. İttiham tərəfi məsələ ilə bağlı mövqeyini bildirib və izah edib ki, vəsatət “tam hüquqi absurddur və təmin edilməməlidir”.

Müdafiə tərəfi ilə ittiham tərəfi arasında şifahi qarşıdurma yarım saata yaxındır ki, davam edir. Hakim onları sakitləşməyə çağırsa da, səs-küy hələ də davam edir.