Saakaşvilinin anası: "Nə baş verir bilmirəm"

Gürcüstanın üçüncü prezidenti Mixail Saakaşvilinin anası Qiuli Alasaniyaya Qori Hərbi Hospitalında oğluna baş çəkməyə icazə verilməyib.

InterPress.ge xəbər verir ki, Qiuli Alasanianın sözlərinə görə, ona iş saatının bitdiyini, bu səbəbdən Mixail Saakaşvili ilə görüşə bilməyəcəyini deyiblər.

"Çox uzun müddətdir gözləyirdim, 20 dəqiqə gecikdim, amma biz onlara bir az gecikə biləcəyim barədə xəbərdarlıq etmişdim və razılıq da görünürdü. Sonra mənə dedilər ki, iş saatı bitib, burada məntiq görə bilmədim. Burada mən işləmirəm, nə də oğlum burada işləmək üçün oturmur, kimin iş vaxtı bitib. Oğlumun olduğu yerin dəhlizi həmişə əməkdaşlarla dolu olur. 

Axşam saat 6-dan sonra xəstəxanaya daxil olma hallarım olub. Mən heç nə anlamıram, çox təəccüblənirəm, nə baş verdiyini başa düşə bilmirəm və iki saatdan çoxdur ki, buradayam, mən hələ də nəyinsə dəyişə biləcəyini gözləyirəm. Heç bir məlumatım yoxdur. Bildiyim tək şey odur ki, oğlum məni həqiqətən görmək istəyirdi”, - Qiuli Alasania deyir.