Prezident iqamətgahı yaxınlığındakı aksiya başa çatdı

Gürcüstan prezidentinin iqamətgahı yaxınlığında Mixeil Saakaşvilinin azad edilməsi tələbi ilə yaradılmış platforma üzvlərinin və “Milli Hərəkat”ın etiraz aksiyası başa çatıb.

InterPress.ge xəbər verir ki, etirazçılardan bəziləri prezident Salome Zurabişvili ilə görüş tələb edib, bunun üçün ona saat 15:00-a qədər vaxt verilib, lakin görüş baş tutmayıb.

Teleaparıcı Nanuka Jorjolianinin sözlərinə görə, etirazçılar müvəqqəti olaraq dağılır və Mixeil Saakaşvilinin azad edilməsi tələbi ilə keçirilən aksiyalar daimi əsasda davam edəcək.

“Müvəqqəti olaraq ayrılırıq, fəaliyyət planında nə edəcəyimiz və nə cür aksiyaların olacağı barədə məlumat veriləcək. “Mişaya azadlıq” şüarı hər yerdə olacaq və bu şüar heç vaxt dayanmayacaq. Növbəti görüş çox yaxında olacaq”, - Nanuka Jorjoliani bildirib.