Mərkəz rəhbərindən epidemioloji vəziyyətlə bağlı xoş açıqlama

Gürcüstanda epidemioloji vəziyyət yaxşılaşır.

InterPress.ge xəbər verir ki, bu barədə Xəstəliklərə Nəzarət Mərkəzinin rəhbəri Amiran Qamğrelidze məlumat verib.

O bildirib ki, vəziyyət stabilləşir, lakin sakitləşməyə əsas yoxdur, çünki gündəlik rəqəmlər hələ də 2-3 min aralığındadır.

O, artıq 57 ölkədə müşahidə edilən yeni Omicron ştamından da danışıb.

"Omicron artıq 57 ölkədə qeydə alınıb. Ağır hallar yoxdur. Bu, bir az ümidvericidir ki, Delta və Delta Plus-ın getdiyi kimi getməsin.

Bizdə hələ təsdiqlənmiş Omicron ştamı yoxdur. Müşahidə edirik. Fərqli ştamlar üçün fərqli xüsusi testlərimiz var ki, bununla da istisna üsulu ilə şübhələri apara və sonra genetik ardıcıllıqla müəyyən edə bilərik", - deyə o söyləyib.