İrakli Kobaxidze: "Bu yalanı yaymaq yalnız müxalifətdaxili münaqisəni ört- basdır etmək məqsədini daşıyır"

“Gürcü Arzusu”nun sədri İrakli Kobaxidze İrakli Qaribaşvilinin baş nazir vəzifəsindən istefa verə biləcəyi ilə bağlı məlumatı yalan adlandırıb. 

InterPress.ge xəbər verir ki, Kobaxidzenin jurnalistlərə verdiyi məlumata görə, bu yalanı yaymaq yalnız müxalifətdaxili münaqişəni ört-basdır etmək məqsədi daşıyır.

“Bu yalandır, mən sizə birbaşa deyə bilərəm və bu, müxalifət daxilindəki real münaqişələri hansısa yolla ört-basdır etməyə xidmət edir”, - İrakli Kobaxidze bildirib.

Eyni zamanda, Kobaxidze hökumətdəki dəyişikliklərlə bağlı heç bir məlumatı təsdiqləməyib.