Sinoptiklər xəbərdarlıq edir - Bəzi rayonlara güclü qar yağacaq

Dekabrın 21-23-də Gürcüstanda çətin meteoroloji şərait gözlənilir: əsasən qar şəklində yağış, güclü külək.

InterPress.ge xəbər verir ki, bu barədə Milli Ətraf Mühit Agentliyindən məlumat verilib.

Onların sözlərinə görə, dağlıq rayonlarda güclü qar, duman və qar fırtınası, dənizdə fırtına, yolların buz bağlaması, elektrik xətlərinin donması, qar uçqunları gözlənilir.

"Yolların bəzi hissələrində nəqliyyatın hərəkəti məhdudlaşdırılacaq. Dekabrın 23-26-da Kolxeti ovalığında havanın temperaturunun gecə -4, -6 dərəcəyə enəcəyi gözlənilir ki, bu da sitrus bitkilərinə zərər verə bilər", - məlumatda deyilir.