Bu gün Gürcüstanın keçmiş prezidenti Mixeil Saakaşvilinin dövlət sərhədini qanunsuz keçməsi ilə bağlı cinayət işi üzrə növbəti məhkəmə prosesi keçiriləcək.
InterPress.ge xəbər verir ki, iclas Tbilisi Şəhər Məhkəməsində saat 12:00-da başlayacaq.
M.Saakaşvilinin prosesdə iştirak edib-etməyəcəyi hələ məlum deyil. Həkimlər sağlamlıq durumu səbəbindən onun iştirakını tövsiyə etmirlər.
Sözügedən iş üzrə ilk məhkəmə dinləməsi dekabrın 9-da eks-prezidentin iştirakı olmadan baş tutub.
Qeyd edək ki, sabiq dövlət başçısı bu ilin sentyabrın 28-də Gürcüstana qeyri-qanuni yolla daxil olub və oktyabrın 1-də Tbilisidə saxlanılıb. Onun ölkəyə gizli yolla gəlməsi ilə bağlı 4 nəfər saxlanılıb.
M.Saakaşvili noyabrın 20-dən Tbilisinin Qldani həbsxanasının klinikasından köçürüldüyü Qori Hərbi Hospitalında müalicə olunur.
