Salome Samadaşvili Mixeil Saakaşvili ilə bağlı hakimiyyətə müraciət etdi

"Gördüklərimiz əslində məhbusa qarşı növbəti zorakılıq mərhələsidir, onun hüquqlarının kobud şəkildə pozulmasıdır və mən əminəm ki, bu, Strasburq məhkəməsi də daxil olmaqla, bu cür qiymətləndiriləcək".

InterPress.ge xəbər verir ki, Gürcüstanın üçüncü prezidenti Mixeil Saakaşvilinin Qori Hərbi Hospitalından Rustavi həbsxanasına köçürülməsini müxalifətçi deputat Salome Samadaşvili belə qiymətləndirib.

O, Mixeil Saakaşvilinin səhhətinin müstəqil tibbi ekspert tərəfindən qiymətləndirilməsi üçün hakimiyyətə müraciət edib.

“Bu gün yəqin ki, ən önəmlisi onun sağlamlığıdır. Mən hakimiyyətə müraciət edirəm ki, dərhal müstəqil tibbi ekspertə Mixeil Saakaşvili ilə görüşmək və onun səhhətini qiymətləndirmək imkanı versinlər. Bu, təcili edilməsi lazım olan bir şeydir. Düşünürəm ki, ictimaiyyət bunu gözləyir. Mixeil Saakaşvilinin səhhətinin mümkün ağırlaşmasının ardınca çox ciddi siyasi nəticələr gələcək. O, öz iradəsi və tibbi rəy olmadan tibb müəssisəsindən həbsxanaya köçürülüb”, - Samadaşvili bildirib.