Kaspidə məktəblilər nişanlanıb - Ailə faktı təkzib edir

Kaspi Bələdiyyəsinin Ferma kəndinə 15-16 yaş arası gənclər nişanlandırılıb.

InterPress.ge xəbər verir ki, bu barədə görüntülər sosial şəbəkədə yayılıb.

Görüntülərdə gənc oğlanın qızın əlinə üzük taxdığı görünür.

Məlumata görə, qız 9-cu sinifdə oxuyur, ailə üzvü isə dövlət məktəbinin işçisidir.

Azyaşlı qızın babası nişan faktını təkzib edib və nəvəsinin ad gününün qeyd olunduğunu deyib. Onun sözlərinə görə, ailə qanunlara tabedir.

"Nişan deyildi. Uşağın ad günü idi. 16 yaşı tamam oldu, qeyd etdik. Qohumları gəldi, hədiyyələr gətirdilər. Başqa bir şey olmadı. Hər şey hədiyyədir. Heç bir nişanlanma olmayıb, çünki biz qanuna tabeyik", - deyə Şahal İsmayılov bildirib.