Sabahdan Gürcüstanda havanın temperaturu xeyli aşağı düşəcək

Yanvarın 13-dən 17-dək Gürcüstanda hava şəraitinin kəskin pisləşəcəyi gözlənilir. 

InterPress.ge xəbər verir ki, yanvarın 17-dək vaxtaşırı sulu qar, havanın temperaturunun xeyli aşağı düşməsi, güclü külək, dağlıq və yüksək dağlıq ərazilərdə güclü qar, duman və qar fırtınası, dənizdə 4-5 bal gücündə fırtına, magistral yollarda buz, elektrik xətlərinin buz bağlaması, dağlıq rayonlarda uçqun təhlükəsi gözlənilir.

"Yolların bəzi hissələrində güclü qar yağması, görmə məsafəsinin pisləşməsi, qar fırtınası, buz və uçqunlar səbəbindən avtomobillərin hərəkəti məhdudlaşdırıla bilər", - Milli Ətraf Mühit Agentliyinin açıqlamasında bildirilib.