Təcrid və karantin qaydalarının dəyişdirilməsi ilə bağlı səhiyyə naziri açıqlama verdi

Gürcüstanın səhiyyə naziri Zurab Azaraşvilinin sözlərinə görə, təcrid və karantin qaydalarının dəyişdirilməsi “Omikron” ştammının gedişi ilə bağlıdır və bu müddət 12 gündən 8 günə endirilib.

InterPress.ge xəbər verir ki, nazir təcrid müddətinin daha da azaldılmasını istisna etməyib.

“Müxtəlif ölkələrin nümunələrinə nəzər salsaq, bunu bir daha müzakirə edə bilərik, məsələn, ABŞ-da, 8 gün deyil, 5 gün məcburidir”, - Zurab Azaraşvili bildirib.