Karl Harçel: "Rusiya hərbi müdaxilə və ya sabitliyi pozmaq yolunu seçərsə, Aİ sərt addımlar atacaq"

Aİ Gürcüstanın suverenliyini və ərazi bütövlüyünü, eləcə də kiminlə əməkdaşlıq edəcəyini seçmək hüququnu dəstəkləyir.

InterPress.ge xəbər verir ki, bu barədə 
Aİ-nin Gürcüstandakı səfiri Karl Harçel qeyd edib.

“Avropa İttifaqının nümayəndəsi kimi deyə bilərəm ki, biz Gürcüstanın suverenliyini və ərazi bütövlüyünü, kiminlə əməkdaşlıq edəcəyini seçmək hüququnu dəstəkləyirik. Bu, müasir Avropa təhlükəsizliyinin əsas prinsipidir və bizim digər tərəfdaşlarımız, ABŞ, NATO və ATƏT ilə müdafiə etdiyimiz prinsipdir”.

O bildirib ki, Rusiya hərbi müdaxilə və ya sabitliyi pozmaq yolunu seçərsə, Aİ sərt addımlar atacaq.

“Ümid edirik ki, hazırkı gərgin vəziyyət ən qısa zamanda aradan qaldırılacaq. Lakin mən Aİ-yə aydınlaşdırmaq istəyirəm ki, biz hərbi müdaxilə və ya sabitliyin pozulması halında sərt qiymət qoymağa da hazırıq”, - deyə Karl Harçel bildirib.