Avropa İttifaqının nümayəndələri vəziyyəti öyrənmək üçün “Kartli” sanatoriyasına gediblər

Avropa İttifaqının nümayəndələri Tbilisi Dənizi yaxınlığında yerləşən “Kartli” sanatoriyasının  vəziyyətini öyrənməyə gediblər.

InterPress.ge xəbər verir ki, “Kartli” sanatoriyasında məskunlaşan məcburi köçkünlər alternativ yerlərin ayrılmasını tələb edirlər.

Onların sözlərinə görə, yaşadıqları bina qəzalı vəziyyətdədir və təhlükə hər gün artır.

Əlavə olaraq xatırlatmaq istərdik ki, yanvarın 16-da məcburi köçkünlərdən biri Tbilisi Dənizi yaxınlığında yerləşən “Kartli” sanatoriyasının binasından özünü atıb və yerindəcə dünyasını dəyişib. Yerli sakinlərin sözlərinə görə, kişi uzun müddətdir ki, həyatı üçün təhlükə yaradan şəraitdə etiraz edirdi.