VMH deputatları Ukraynaya dəstəklərini bu cür bildirdilər

Vahid Milli Hərəkat Partiyasının deputatları Ukrayna və Gürcüstan bayraqları ilə parlamentə daxil olublar.

InterPress.ge xəbər verir ki, bu barədə Gürcüstan Parlamenti məlumat yayıb.

Onlar bayraqları sessiya zalının masalarına qoyublar, bununla da Ukrayna dövlətinə dəstək olduqlarını bildiriblər.

Bugünkü plenar iclasın əsas mövzusu Ukrayna ilə bağlı hakim partiyanın təşəbbüsü ilə irəli sürülmüş qətnamə layihəsinin müzakirəsidir. Layihəni “Gürcü Arzusu”nun nümayəndələrindən başqa heç bir parlament qrupu imzalamayıb. Tənqidin əsas səbəbi layihənin heç bir bəndində Rusiya Federasiyasının qeyd edilməməsidir.