Məhkəmə zalında Mixail Saakaşvili Ukraynanın dövlət himnini oxudu

Tbilisi Şəhər Məhkəməsində Mixail Saakaşvili Ukraynanın dövlət himnini oxuyub.

lnterPress.ge xəbər verir ki, üçüncü prezident sessiyada dost ölkənin dövlət himnini hörmət və həmrəylik əlaməti olaraq oxuyub.

Qeyd edək ki, bundan əvvəl iclasda təqsirləndirilən şəxslərlə prokurorlar arasında dəfələrlə səs-küy və şifahi qarşıdurma olub. İclasda Mixail Saakaşvili foto təqdim edib, onun sözlərinə görə,fotoda İrakli Qaribaşviliyə, Davit Narmaniyaya və prokuror Jarji Çiklauriyə korrupsiya yolu ilə əldə olunan evlər əks olunub.