İqtisadiyyat və Davamlı İnkişaf naziri istefa verdi

Nazirlər Kabinetində dəyişikliklər baş verir. İqtisadiyyat və Davamlı İnkişaf naziri Natia Turnava istefa verdi.

InterPress.ge xəbər verir ki, baş nazir İrakli Ğaribaşvilinin özü hökumət administrasiyasında keçirilən brifinqdə Nazirlər Kabinetində dəyişikliklər barədə danışıb.

Mövcud məlumata görə, İqtisadiyyat və Davamlı İnkişaf naziri Natia Turnavanı kənd təsərrüfatı naziri Levan Davitaşvili əvəz edəcək.

Xatırladaq ki, Natia Turnava 2019-cu il aprelin 18-dən iqtisadiyyat və davamlı inkişaf naziri, Levan Davitaşvili isə indiyədək kənd təsərrüfatı naziri olub. O, hansı vəzifədə olursa olsun, eyni zamanda baş nazirin müavinidir.