İrakli Kobaxidze müxalifət liderinin mandatının dayandırılmasına belə münasibət bildirdi

''Əgər biz kimisə siyasi təqib etsəydik, təxminən 4-5 ay əvvəl müxalifətdən olan 50 deputatın səlahiyyətlərinə xitam verə bilərdik, amma iki dəfə belə bir addım atmamışıq''.

lnterPress.ge xəbər verir ki, "Gürcü Arzusu"nun sədri İrakli Kobaxidze Lelonun lideri Badri Gaparidzenin mandatdan məhrum edilməsini belə qiymətləndirib. 

Onun jurnalistlərə verdiyi məlumata görə, "Gürcü arzusu"  sərt davranmır,  ancaq konkret siyasətçinin sistemə qarşı çıxdığı yerdə prinsipialdır. 

“Qanunvericiliyə görə, parlament hüquqi deyil, yalnız siyasi qərarlar qəbul edir. Məhkəmə qanuni, parlament isə siyasi qərarlar verir. Parlamentin heç bir qanuni qərar qəbul etmək hüququ belə yoxdur. Parlament hüquqi əsaslarla siyasi qərarlar qəbul edir. Biz siyasi baxımdan mandata xitam verilməsinin məqsədəuyğunluğunu müzakirə etməliyik. Parlament bunu belə müzakirə edib və müvafiq qərar qəbul edib", -  deyə Kobaxidze bildirib.

O bildirib ki, bu qərar siyasi revanş deyil.

“Badri Gaparidze sistemə qarşı çıxmağı seçdi. Yadınızdadırmı, bizim siyasi komandamız məhkəməyə göstəriş verməkdə ittiham olunurdu? Bu, sistemlə qarşıdurmadır və siyasətçi hansısa sistemə qarşıl çıxanda təbii ki, sistem ona cavab verir. Əgər biz kimisə siyasi təqib etsəydik, təxminən 4-5 ay əvvəl 50-yə yaxın müxalifət deputatının səlahiyyətlərinə xitam verə bilərdik, amma iki dəfə belə bir addım atmamışıq. Biz sərt hərəkət etmirik, lakin konkret siyasətçinin sistemə qarşı çıxdığı yerdə prinsipial hərəkət edirik”, - deyə  Kobaxidze bildirib.

Kobaxidze Rustavidə Gürcü arzusunun namizədi İrakli Şatakişvilinin qələbəsinə əmin olduğunu bildirib.

“Biz Rustavinin timsalında gördük ki, reallıqda Milli Hərəkatla Lelo arasında sərhəd yoxdur. Ona görə də biz əmin idik və daha da əmin olduq ki, bizim namizədimiz İrakli Şatakişvili Rustavidə qalib gələcək. Badri Gaparidzenin namizədliyi buna əlavə əsas yaratdı”, - deyə  Kobaxidze bildirib.

Məlumat üçün bildirək ki, Lelonun qərarına əsasən, Badri Gaparidze təkrar seçkilərdə Rustavinin majoritar namizədi olacaq.