Salome Samadaşvili nazirə: "Əgər benzin 40% bahadırsa, cəmiyyətə hansı tədbirləri təklif edirsiniz?”

''Büdcənizin böyük bir hissəsi bürokratiyanın xərclərinin artırılmasına, işləməyən dövlət müəssisələrinin maliyyələşdirilməsinə xərcləndiyi halda, həmvətənlərimizin həyatını asanlaşdırmaq üçün nə etməyi planlaşdırırsınız''. 

lnterPress.ge xəbər verir ki müxalifətçi deputat Salome Samadaşvili bu sualı parlamentdə “Nazir saatı” formatında maliyyə naziri Laşa Xuçişviliyə ünvanlayıb.

Samadaşvilinin qeyd etdiyinə görə, ölkədə yaşayış minimumu 45% artıb və ictimaiyyət maliyyə nazirindən  ən pis sosial böhrandan necə çıxmaq niyyətində olduğuna dair baxış gözləyirdi.

“Cənab nazir, məncə, bugünkü çıxışınız bizim həmvətənlərimiz üçün çox qəribə oldu. Vətəndaşlarımızın həyatlarının 45% bahalaşdığı bir vaxtda, düşünürəm ki, insanlar maliyyə nazirindən ölkəmizin bu gün düşdüyü ən ağır sosial böhrandan necə çıxacağınıza dair baxış gözləyirdilər. Məlumatlar göstərir ki,  vətəndaşın elektrik enerjisi, təbii qaz, su, mənzil kimi yaşayış  xərcləri 45% artıb. Belə şəraitdə bizdən qat-qat zəngin olan ölkələr - Polşa, Belçika və s. ƏDV-nin və ya digər vergilərin azaldılması və ya müvəqqəti ləğvi ilə bağlı müvafiq tədbirlər həyata keçirilib. Maraqlıdır, büdcənizin böyük bir hissəsi bürokratiyanın maya dəyərinin artırılmasına, işləməyən  dövlət müəssisələrinin maliyyələşdirilməsinə xərclənəndə həmvətənlərimizin həyatını asanlaşdırmaq üçün nə etməyi planlaşdırırsınız? Əgər benzin 40% bahadırsa, cəmiyyətə hansı tədbirləri təklif edirsiniz?”, - deyə Samadaşvili maliyyə nazirinə müraciət edib.

Qeyd edək ki, hazırda parlamentin plenar iclasında maliyyə naziri Laşa Xuçişvili dinlənilir. Xuçişvili iclasda görülən işlərlə bağlı hesabat təqdim edib, ondan sonra deputatların suallarını cavablandırmalı olacaq.