Salome Zurabişvili: "Bu gün heç vaxt olmadığı kimi milli razılıq və yekdillik bizim və gələcəyimiz üçün vacibdir"

Bu gün heç vaxt olmadığı kimi milli razılıq və yekdillik bizim və gələcəyimiz üçün vacibdir. Güc birlikdədir!

lnterPress.ge xəbər verir ki, bu barədə Prezident Salome Zurabişvili bəyan edib.

O, Rusiyanın başlatdığı müharibəyə görə Ukraynanı dəstəklədiyini açıq şəkildə bəyan etdi.

“Mən xalqımıza, siyasi spektrə, çoxluğa və ya müxalifətə və iqtidara müraciət etmək istəyirəm. Bu gün heç vaxt olmadığı kimi, özümüz və gələcəyimiz üçün milli razılığa və yekdilliyə ehtiyacımız var. Güc birlikdədir! İstənilən formatı, istər parlamentin növbədənkənar iclası, istərsə də genişləndirilmiş Təhlükəsizlik Şurasının iclası, bütün xalqın Ukraynanın suverenliyi və ərazi bütövlüyünün, sülhün tərəfində olduğunu birlikdə ifadə etmək üçün zəruri hesab edirəm. İndi mənə məlumat verilib ki, növbədənkənar iclasın keçirilməsi ilə bağlı mənə müraciət gəlib və mən onu imzalamağı düşünürəm. Mən öz növbəmdə Ukrayna məsələsinin müzakirə olunduğu bütün formatlarda Gürcüstanı (Konstitusiya mənə imkan verir) təmsil etməyə hazıram. Ukrayna məsələsi bizim məsələmizdir və orada da Gürcüstanın səsini eşitdirmək lazımdır. Biz sülh yolu tapmağa çalışmağın tərəfdarı olmuşuq, varıq və olacağıq. Bizim yekdilliyimiz belə olmalıdır”, - deyə  Salome Zurabişvili bildirib.