Baş nazir: “Gürcüstan region ölkələri ilə fəal işi davam etdirəcək”

“Bu gün Gürcüstanın region ölkələri ilə çox yaxşı münasibətləri var”.

InterPress.ge xəbər verir ki, bunu Gürcüstanın Baş naziri İrakli Ğaribaşvili “Rustavi 2” telekanalına müsahibəsində deyib.

O, region ölkələri ilə fəal əməkdaşlığın davam etdiriləcəyini bildirib: “Mən şəxsən regional liderlərlə, istər Azərbaycan prezidenti, istər Ermənistanın baş naziri, istərsə də Türkiyə prezidenti və digərləri ilə yaxşı dostluq münasibətləri qurmuşam və əlbəttə ki, bu istiqamətdə biz fəal işləməyi davam etdirəcəyik”.