Avropa İttifaqına üzv ölkələrin səfirlərinin görüşü keçirilib

Aİ-nin Gürcüstandakı səfiri Karl Harçel Ukrayna səfiri İqor Dolqovu Avropa İttifaqına üzv ölkələrin səfirlərinin görüşündə qonaq edib.

lnterPress.ge xəbər verir ki, bu barədə Aİ-nin Gürcüstandakı nümayəndəliyindən məlumat verilib.

Onlar Ukraynadakı mövcud vəziyyəti müzakirə ediblər və Aİ-nin Ukrayna xalqı ilə tam həmrəy olduğunu bildiriblər.

“Səfirlər Rusiyanın Ukraynaya qarşı əsassız hərbi təcavüzünü qınayıb, insan itkisi və iztirablarla bağlı dərin hüznlə başsağlığı veriblər. Aİ və onun üzv dövlətləri hədəflənmiş məhdudlaşdırıcı tədbirlər və Ukraynanın dəstəyi də daxil olmaqla, Rusiyanın təcavüzünə sərt cavab verməyə davam edəcəklər”, - deyə bəyanatda bildirilir.