Facebook Rusiyaya qadağa qoydu

Feysbuk Rusiya dövlət mediasına bütün dünya miqyasında reklam yerləşdirməyi və pul qazanmağı qadağan edib.

InterPress.ge xəbər verir ki, bu barədə sosial şəbəkələrin təhlükəsizlik siyasəti departamentinin rəhbəri Nataniel Qleyxer məlumat verib.

“Biz Rusiya dövlət mediasına platformamızda  reklam yerləşdirməyi və pul qazanmağı bütün dünya miqyasında qadağan edirik. Bu dəyişikliklər artıq qüvvədədir və bu istiqamətdə işlər yaxın günlərdə də davam etdiriləcək", - deyə Qleyxer bildirib.

O, sosial şəbəkə mütəxəssislərinin Rusiya dövlət mediasının dərc etdiyi nəşrlərə müvafiq qeydlər etməyə davam edəcəyinə də aydınlıq gətirib.