Aİ-nin yeni sanksiyaları Rusiyanın mərkəzi bank ehtiyatlarının yarısından çoxunu bloklayacaq
Aİ-nin yeni sanksiyaları Rusiyanın mərkəzi bank ehtiyatlarının yarısından çoxunu bloklayacaq.
InterPress.ge xəbər verir ki, bu barədə
Aİ-nin xarici işlər və təhlükəsizlik siyasəti üzrə ali nümayəndəsi Cozef Borrell Brüsseldə mətbuat konfransında bildirib.
O, həmçinin Rusiya xəbər agentliklərinin, Russia Today və Sputnik-in fəaliyyətinə qadağa qoyulmasından danışıb.
Onun sözlərinə görə, blok Rusiya dezinformasiyası ilə “mübarizə aparmaq üçün” iki KİV-ə qadağa qoyur.
“Bu gün biz Russia Today və Sputnikin Aİ-də yayımını qadağan etməklə, Rusiyanın Avropadakı informasiya manipulyasiyasinı bağlamaq istiqamətində qəti addım atırıq”, - Borrell bildirib.
Mətbuat konfransında çıxış edən Avropa Komissiyasının sədri Ursula fon der Layan “sanksiya paketinə əsasən, mühüm Rusiya bankları SWIFT sistemindən kənarlaşdırılacaq” deyib.
Avropa Komissiyasının sədri Aİ-nin Ukraynada silah alınması üçün maliyyə ayıracağını da vurğulayaraq, blokun ilk dəfə belə addım atdığını bildirib.
