Kelli Deqnan: "Biz Ukraynanı dəstəkləməyə və birliyi qorumağa davam edəcəyik"

"Bütün beynəlxalq ictimaiyyət Rusiyanın təcavüzünə müqavimət göstərib. Gürcüstan Rusiyanın Ukraynanın ərazi bütövlüyünü və suverenliyini pozmasını qətiyyətlə pisləyib".

lnterPress.ge xəbər verir ki , bu barədə ABŞ-ın Gürcüstandakı səfiri Kelli Deqnan parlamentin spikeri Şalva Papuaşvili ilə görüşdən sonra deyib.

Səfirin sözlərinə görə, Ukraynaya dəstək davam edəcək, çünki birlik indi beynəlxalq ictimaiyyətin Rusiyaya verə biləcəyi ən mühüm mesajdır.

“Cənab Papuaşvili ilə çox faydalı görüş keçirdim. Biz Vaşinqtonda məsləhətləşmələri, eləcə də Rusiyanın Ukraynaya təcavüzünü müzakirə etdik. Vaşinqtonda keçirdiyim görüşlər zamanı aydın oldu ki, Gürcüstanın Avro-Atlantik yola geniş dəstəyi davam edir və gələcəkdə də davam edəcəkdir. Açığı, biz Rusiyanın yaratdığı böhrandan çox narahatıq, minlərlə insan didərgin düşüb, yüzlərlə insan yaralanıb, bu, Rusiyanın yaratdığı və başlatdığı müharibədir. Ukrayna xalqının cəsarətli cavabı bizi ruhlandırır. Bütün beynəlxalq ictimaiyyət Rusiyanın təcavüzünə müqavimət göstərdi və Gürcüstan Rusiyanın Ukraynanın ərazi bütövlüyünü və suverenliyini pozmasını yüksək səslə pislədi. Biz beynəlxalq ictimaiyyətin tətbiq etdiyi sanksiyaları gördük. Biz Ukraynanı dəstəkləməyə və birliyi qorumağa davam edəcəyik. Bu anda Rusiyaya göndərə biləcəyimiz ən vacib mesaj birlikdir'',- deyə Deqnan bildirib.