Qiorqi Qaxaria: "Mən Gürcüstan hakimiyyətini tarixi fürsətdən istifadə etməyə çağırıram"
"Gürcüstan Naminə" Partiyasının lideri Qiorqi Qaxaria Gürcüstan hakimiyyətini tarixi fürsətdən istifadə etməyə və Gürcüstanın üzvlüyünü sürətləndirmək üçün Avropa İttifaqına rəsmi müraciət etməyə çağırır. Onun sözlərinə görə, indi aktiv fəaliyyət zamanıdır, çünki biz bütün dünyaya xatırlatmalıyıq ki, Rusiya təcavüzünün ilk qurbanları bizik.
lnterPress.ge xəbər verir ki, bir neçə dəqiqə əvvəl Ukrayna prezidenti Vladimir Zelenski Avropa İttifaqına müraciət edərək, Ukraynanın xüsusi prosedurla, sürətləndirilmiş şəkildə Aİ-yə daxil olmasını xahiş edib.
“Bu gün, 28 fevral 2022-ci ildir, dünyada yeni reallıq və nizam bərqərar olur.
Dünyanın Rusiyanın təcavüzünə misli görünməmiş reaksiyası ilə paralel olaraq Gürcüstan hakimiyyəti ölkəmizin milli maraqlarına birbaşa xələl gətirən, gürcü xalqının iradəsinə zidd olan, övladlarımızı layiqli gələcək perspektivindən məhrum edən mövqe tutur.
Gürcüstan hakimiyyətinin hər yeni çıxışı gürcü xalqının ləyaqətini, 2008-ci ildə ölkənin birliyi və azadlığı uğrunda verdiyi fədakarlığı təhqir edir.
Hökumətə xatırlatmaq istərdik ki, Gürcüstan əhalisi artıq seçim edib - bizim yerimiz Avropa ailəsindədir! Bu, bizim milli mənafeyimiz və ulu əcdadlarımızın əsrlərdən bəri qoyduğu məqsəd və arzusudur.
Bu gün bu seçim sadədir - ya Avropa ailəsinin, azad dünyanın bir hissəsi olacağıq, ya da Rusiya Sovet İttifaqına qayıdacağıq.
Mən Gürcüstan hakimiyyətini bu tarixi fürsətdən istifadə etməyə və Gürcüstanın üzvlüyünü sürətləndirmək üçün Avropa İttifaqına rəsmi müraciət etməyə çağırıram. Aktiv fəaliyyət vaxtıdır, bütün dünyaya xatırlatmalıyıq ki, Rusiya təcavüzünün ilk qurbanları bizik Rusiya təcavüzünün ərazilərimizin işğalı ilə başlayıb və Rusiyanın təcavüzünə düzgün cavab isə Gürcüstan və Ukraynanın Avropa ailəsinə dərhal qoşulmasıdır.
Bu bizim atalarımız və gələcək nəsil qarşısında borcumuzdur! Gürcüstanın azadlığı və müstəqilliyi uğrunda şəhid olmuş vətəndaşlarımızın ləyaqətini qorumaq bizim borcumuzdur.
Bizim yerimiz adət-ənənələrimizlə Avropadadır!- deyə Qaxaria Facebook-da yazır.
