Pentaqon- Kiyevə doğru hərəkət edən yüzlərlə rus zirehli texnikası yolda dayanıb

Hazırda Kiyevə doğru hərəkət edən yüzlərlə rus zirehli texnikası yolda dayanıb. 

lnterPress.ge xəbər verir ki, bu barədə Pentaqonun sözçüsü Con Kirbi bildirib.

“Bizim hesablamamıza görə, onlar 24 saatdan 36 saata qədər ciddi irəliləyiş əldə etməyiblər",- deyə Kirbi Pentaqonda keçirdiyi brifinqdə bildirib.

Onun sözlərinə görə, gecikmə qüvvələrin yenidən qruplaşdırılması və ya vəziyyəti yenidən qiymətləndirməsi ilə bağlı ola bilər.

“Logistika və özünü təminatla bağlı problemlər və ukraynalıların müqaviməti də mühüm amillərdir”, - deyə Pentaqonun sözçüsü bildirib.