Tbilisi meri: "Hakimiyyət ölkənin maraqlarına uyğun hərəkət edəcək

"Gürcüstan üçün heç bir təhlükə yoxdur və hakimiyyət ölkənin maraqlarına uyğun hərəkət edəcək".

InterPress.ge xəbər verir ki, bu barədə Tbilisi meri Kaxa Kaladze jurnalistlərə məlumat verib.

Onun sözlərinə görə, müəyyən şəxslərin və ya siyasi partiyaların Gürcüstanda gərginlik yaratmaq cəhdlərinə baxmayaraq, ölkədə sülh hökm sürəcək.

“Gürcüstan heç bir təhlükə altında deyil. Hamını əmin etmək istəyirəm ki, müəyyən şəxslərin və ya siyasi partiyaların gərginlik yaratmaq cəhdlərinə baxmayaraq, ölkədə sülh və əmin-amanlıq olacaq və Gürcüstan hakimiyyəti ölkəmizin, ilk növbədə, xalqımızın maraqlarına uyğun hərəkət edəcək", - deyə Tbilisi meri bildirib.