Ukraynanın Baş Prokurorluğu müharibədə həlak olan uşaqlarla bağlı bəyanat yayır

Rusiyanın Ukraynaya silahlı təcavüzünün başlamasından ötən 16 gün ərzində 79 uşaq həlak olub, 100-ə yaxın uşaq yaralanıb.

lnterPress.ge xəbər verir ki, bu barədə Ukrayna Baş Prokurorluğu məlumat yayıb.

“Qurbanların əksəriyyəti Kiyev, Xarkov, Donetsk, Sumı, Xerson və Jitomir rayonlarında olub. Bu rəqəm yekun deyil, çünki Rusiya Federasiyası silahlı qüvvələrinin fəal döyüşdüyü bombalanmış yerləri görmək mümkün deyil”, - deyə prokurorluqdan bildirilib.

Məlumatlara görə, hazırda Ukraynada 280-dən çox təhsil müəssisəsi  zərər görüb, onlardan 9-u tamamilə dağıdılıb. Donetsk rayonunda 110, Sumi rayonunda 28, Kiyevdə 17 təhsil müəssisəsi, 10-dan çox uşaq tibb müəssisəsi də zərər görüb.