Marneuli bələdiyyə nəqliyyatlarının sərnişindaşıma xidmətinin tarifi artırılacaq – AÇIQLAMA

Marneuli meriyasının balansında olan ictimai nəqliyyatların sərnişindaşıma xidmətinin tarifinin artırılması planlaşdırılır.

Bu barədə məlumatı InterPress.ge-yə müsahibəsi zamanı avtoparkın rəisi Qiqa Jalaqoniya təstiqləyib.

Avtoparkın rəisi Q. Jalaqoniya qiymətlərin mütləq qaldırılacağını bildirir.

“Bəli, bələdiyyə avtobuslarının gediş haqqı arta bilər. Dəqiq nə vaxt artırılacaq məlum deyil. Lakin mütləq artırılacaq”, - deyə Q. Jalaqoniya qeyd edib.

Tarifə gəlincə isə o, tariflərin nə qədər artırılacağını dəqiq bilmədiyini bildirib.

InterPress.ge-nin əldə etdiyi məlumata görə, bəzi kəndlərə 50 tetri, şəhər daxili nəqliyyatlarda isə 20 tetri artırılması düşünülür.