Gürcüstan Türkiyənin Ukrayna ilə bağlı vasitəçilik səylərini yüksək qiymətləndirib

Gürcüstanın xarici işlər naziri David Zalkaliani türkiyəli həmkarı Mövlüd Çavuşoğlu ilə telefon danışığı aparıb.

InterPress.ge xəbər verir ki, bu barədə gürcü nazir tviter hesabında yazıb.

O bildirib ki, önəmli söhbət zamanı regionda təhlükəsizlik mühiti və Ukraynada davam edən müharibə müzakirə olunub.

XİN başçısının sözlərinə görə, müharibəyə son qoymaq və dialoqa nail olunması üçün beynəlxalq ictimaiyyətin iştirakı və Türkiyənin vasitəçilik səylərinin vacibliyi qeyd olunub, Gürcüstan və Türkiyə arasında yüksək səviyyədə olan münasibətlər vurğulanıb.