Tbilisi Şəhər Məhkəməsi qarşısında Mixeil Saakaşviliyə dəstək aksiyası keçirilir

"Mişaya azadlıq" tələbilə  Gürcüstanın üçüncü prezidenti Mixail Saakaşvilinin məhkəməsinin keçiriləcəyi Tbilisi Şəhər Məhkəməsi qarşısında aksiya keçirilir.

lnterPress.ge xəbər verir ki, Hüquq-mühafizə orqanları məhkəmənin həyətinə səfərbər olunub.

Həmçinin, Saakaşvili tərəfdarları və fəal vətəndaşlar da ordadırlar.

Bu gün Mixail Saakaşvilinin Gürcüstanın dövlət sərhədini qanunsuz keçməsi işi üzrə məhkəmə prosesi keçiriləcək.

Xatırlatmaq istərdik ki, Mixail Saakaşvilinin sərhədi qanunsuz keçməsi faktı ilə bağlı istintaq oktyabrın 1-dən başlayıb. İş üzrə daha 4 nəfər - Elquca Çomaia, Zurab və Şalva Cocoriya və Qiorqi Narimanidze ittiham olunub. Onlar barəsində seçilmiş həbs-qətimkan tədbiri girovla əvəz edilib.