Vaxtanq Qomelauri: "Bu məsələ heç vaxt gürcü tərəfinin gündəmində olmayıb"

" Gürcüstanı Çeçenistanla birləşdirən yolun tikintisi məsələsi heç vaxt müzakirə olunmayacaq".

InterPress.ge xəbər verir ki, bu barədə Qomelauri parlamentin plenar iclasında Vahid Milli Hərəkat Partiyasının üzvü Roman Qoçiridzenin “Nazir saatı” formatında müvafiq sualına cavab verərkən bildirib. 

Nazirin sözlərinə görə, bu yolun tikintisi məsələsi heç vaxt gürcü tərəfinin gündəmində olmayıb.

“Gürcüstan heç vaxt Çeçenistanı birləşdirən yolun tikintisini düşünməyib və düşünməyəcək. Yol tikintisi məsələsi heç vaxt gürcü tərəfinin gündəmində olmayıb, ona görə də bununla bağlı hər hansı məlumat yanlışdır. Bu məsələ heç vaxt tərəfimizdən qaldırılmayıb.”, - Vaxtanq Qomelauri bildirib.