Avropalı Gürcüstan partiyasının sədri azərbaycanlıları Novruz bayramı münasibətilə təbrik edib

Avropalı Gürcüstan partiyasının sədri Qiqa Bokeria Gürcüstan azərbaycanlılarını Novruz bayramı münasibətilə təbrik edib.

InterPress.ge xəbər verir ki, sözü gedən təbrik iki dildə partiyanın rəsmi Facebook səhifəsində paylaşılıb.

"Novruz Bayramı Gürcüstanda əsasən Gürcüstanın etnik azərbaycanlı vətəndaşları tərəfindən qeyd olunur, lakin 2010-cu ildən ümumi dövlət bayramı elan edilib və xalqımızın mədəni, etnik və ya dini müxtəlifliyinin güclü simvoludur.

Novruz Gürcüstanın bayramıdır.

Sizi bu qədim bayram olan baharın qəlişi, “Yeni gün” münasibəti ilə təbrik edir, sizə azadlıq, cansağlığı və firavanlıq arzulayıram!", - deyə Bokeria qeyd edir.